O Neolítico

Qué vós pareceu o video do NEOLÍTICO???? Atopádes diferenzas có PALEOLÍTICO????? Verdade que sí!!!!!

Pois imos traballar hoxe có Neolítico ( Pedra Nova)  e as súas principais características que tedes que copiar nos vosos cadernos.

Os primeiros agricultores
e gandeiros

Hai uns 10.000 anos, as persoas empezaron a reter en
cercados algúns animais para asegurar a obtención de
carne e leite. Deste xeito xurdiu a gandaría. As primeiras
especies domesticadas foron a cabra, a ovella, o boi,
o cabalo e o can.
Ao mesmo tempo, déronse de conta de que se unha
semente caía no chan, nese mesmo lugar, medraba unha
nova planta. Así xurdiu a agricultura. As primeiras especies
cultivadas foron o trigo e o arroz.
Neolítico significa «pedra nova» e refírese á técnica coa que se fabricában ferramentas nesta época

As primeiras aldeas
Para cultivar as plantas e coidar o gando, as
tribos tiñan que vivir preto das terras e dos
animais. Por iso, asentáronse nun lugar fixo,
é dicir, convertéronse en sedentarias e formaron
aldeas.
As aldeas situábanse preto da beira dos ríos
para ter un fácil acceso á auga. Algunhas
construían arredor estacadas ou muros para
defenderse de ataques.
Os homes e as mulleres fóronse especializando
nun traballo: uns fixéronse agricultores,
outros gandeiros e outros artesáns.

Os primeiros artesáns
Nesta época elaborábanse ferramentas de
pedra puída, máis afiadas e duradeiras ca
as de pedra labrada.
As persoas fixeron ferramentas para cultivar
o terreo: aixadas para remover a terra, fouces
para cortar as espigas e muíños de man
para esmiuzar o cereal.

No Neolítico producíronse dous inventos

 1-A cerámica fabricábase con barro, que se
modelaba coas mans e despois cocíase en
fogueiras ou en fornos. Elaboraron vasillas
para gardar e conservar a colleita, olas para
cociñar, e pratos e cuncas para comer e
beber.
 2-O tear permitiu tecer e confeccionar tecidos
con la ou con liño.

Mirade que imaxen do NEOLÍTICO máis chula!!!!!!!!