jueves, 28 de mayo de 2020

As Forzas

Para rematar a semana imos ver un novo tema as forzas e os diferntes tipos que existen.Qué teñades un fermoso fin de semana!!! BICOS!!!!

AS FORZAS

Cando empurramos un carro da compra ou tiramos da nosa mochila para erguela, facemos forza. Cando algo ou alguén
empurra ou tira de calquera cousa, está exercendo unha forza.
Os efectos das forzas
As forzas poden ter distintos efectos:


image.png


1º FAN QUE OS CORPOS CAMBIEN DE FORMA

2º FAN QUE OS CORPOS ROMPAN

3º FAN QUE OS CORPOS MÓVANSE

4º FAN QUE OS CORPOS EN MOVEMENTO DETÉÑANSE.

Tipos de forzas
As forzas que aparecen nos exemplos anteriores son todas forzas de contacto, é dicir, existe un contacto entre os corpos
que exercen as forzas. Así, para impulsar o balón, hai que golpealo.
Noutros casos actúan forzas a distancia. Por exemplo, un imán é capaz de atraer obxectos de ferro a distancia.
No exemplo do imán, aparece unha forza de atracción. Con todo, moitas das forzas coas que estamos familiarizados son
forzas de repulsión, é dicir, empurran un corpo. É o que ocorre, por exemplo, cando se golpea unha pelota cunha raqueta.


A gravidade

Por moi forte que saltes, sabes que sempre vas volver caer ao chan. Salvo nos cómics de superheroes, ninguén
salta e sae voando polos aires. Isto débese á gravidade.

A gravidade é a forza de atracción que exerce a Terra sobre todos os corpos. É dicir, todos os corpos que se
encontran preto da Terra experimentan unha forza que os atrae cara á superficie terrestre, na dirección do centro
da Terra.
Por iso, se tiras un obxecto con todas as túas forzas cara arriba, a forza da gravidade atráeo e vaino freando
ata que fai que se deteña e que caia á terra.

A forza da gravidade é unha forza de atracción e, ademais, actúa a distancia.
A forza da gravidade non só actúa preto da Terra. Esta forza é a que atrae á Lúa para que non se afaste da Terra e xire en círculos ao seu arredor.

As forzas deforman, rompen, moven ou deteñen
os obxectos. Poden actuar por contacto ou a distancia
e ser de atracción ou de repulsión.
A gravidade é unha forza de atracción que actúa a distancia.


Mirade este video explicativo e facede un resumo das forzas nos vosos cadernos.


No hay comentarios:

Publicar un comentario